Alqi Bllako, siç pritej, mbeti në burg me vendim gjykate. Ish-deputeti, i arrestuari tjetër i bujshëm për Inceneratorët, doli para togave të zeza për masën e arrestit, me pranga në duar, siç kurrë s’do e kish imagjinuar.
Pa asnjë të papritur, ai u përcoll për në qeli pas vendimit, siç ka kërkuar SPAK.
Por për avokatin e tij, vendimi është i padrejtë.
“Është një vendim që tregon se kjo gjykatë s’e ka të qartë se si qarkullojnë shkresat në Këshillin e Ministrave dhe në ministri të ndryshme.
Aktet e shpronësimit, paga e të atit nuk janë akte të prodhuara nga Bllako. Ai vetëm ka përcjellë dokumentacionin.
Nga Gjykata nuk njihet kodi i procedurës administrative”, tha avokati i njohur Sokol Hazizaj. /tesheshi.com/
