Sekretari amerikan i Shtetit, Antony Blinken akuzoi sot presidentin rus Vladimir Putin se po përpiqet të “përmbys historinë” për të justifikuar “luftën e tij mizore dhe të paarsyeshme kundër Ukrainës”, raporton Anadolu Agency (AA).
“Ndërsa lufta shpërthen përsëri në Evropë, ne duhet të rrisim vendosmërinë tonë për t’i rezistuar atyre që tani duan të manipulojnë kujtesën historike për të arritur ambiciet e tyre,” tha Blinken me rastin e 77-vjetorit të fitores ndaj nazistëve.
Ai tha se e vërteta për të kaluarën dhe përkrahja për luftëtarët aktualë të lirisë në botë është obligim i shenjtë që ka njerëzimi ndaj atyre që vdiqën në momentin e shënimit të përvjetorit të përfundimit të Luftës së Dytë Botërore.
Autoritetet ruse kanë paralajmëruar gjithashtu një paradë të madhe ushtarake në qendër të Moskës për 9 majin e pritshëm, ku pritet fjalimi i Putinit për situatën aktuale në Rusi dhe në botë, përfshirë luftën në Ukrainë. /tesheshi.com/
