Dështimi i Kinës për të siguruar qasje në profesionistët globalw të shëndetit e ka bërë pandeminë e virusit Corona më keq sesa duhej të ishte, tha Sekretari i Shtetit i SHBA, Antony Blinken.
“Kina nuk u ka dhënë qasje ekspertëve ndërkombëtarë ose nuk ka shkëmbyer informacion në kohë reale për të siguruar transparencën e vërtetë”, tha Blinken për NBC të dielën.
Si rezultat, virusi ka dalë jashtë kontrollit më shpejt dhe, mendoj, me rezultate shumë më të forta se sa mund të ndodhte ndryshe,” shtoi ai.
Blinken theksoi se ngjarje të tilla tregojnë nevojën për një sistem më të fortë global të kujdesit shëndetësor për të siguruar që kjo të mos ndodhë përsëri, njoftoi Reuters.
Reformat duhet të përfshijnë një angazhim për transparencë, shkëmbim informacioni dhe qasje ekspertësh, “dhe Kina duhet të luajë një rol në këtë,” shtoi ai.
Blinken tha se ishte e rëndësishme të dilnim me një shpjegim më të qartë për fillimin e pandemisë.
“Ne duhet ta bëjmë t në mënyrë që të kuptojmë plotësisht se çfarë ka ndodhur, në mënyrë që të kemi mënyrën më të mirë të mundshme për të parandaluar që ajo të ndodhë përsëri,” tha ai.
Fjalët e ashpra të diplomatit të lartë amerikan pasuan kritikat nga anëtarët e tjerë të administratës së Presidentit të SHBA Joe Biden për mungesën e transparencës së Pekinit në ditët e para të pandemisë. /tesheshi.com/
