Ministri i Jashtëm serb Ivica Daçiç shkaktoi një incidenti gjatë një takimi midis kryeministrit Ana Brnabiç dhe Komisionerit të Zgjerimit Olivier Varhely.
Sipas Blic-it serb, Daçiç e ka sulmuar verbalisht zyrtarin e lartë hungarez të Brukselit, duke i thënë: “Nuk e di se nga ke ardhur…, ke heshtur ndërsa janë sulmuar manastiret serbe në Kosovë, ke heshtur për tarifat e vendosura nga Prishtina për mallrat nga Serbia”, tha një burim për Blic.
Ndërsa Várhelyi i është përgjigjur duke i thënë:
“Unë jam komisari i vetëm evropian që i përgjigjem tarifave. Unë kam dënuar atë që po ndodh në Mal të Zi. Serbia është vendi i parë ku erdha pas prezantimit të metodologjisë së re dhe, më në fund, erdha këtu për t’ju ndihmuar”.
Më pas, Daçiç është justifikuar:
“Unë sulmova Bashkimin Evropian për mosrespektimin e Marrëveshjes së Brukselit, duke e futur Kosovën në Kapitullin 35, kështu që tani kjo varet nga ata, sepse ata heshtin për ngjarjet në Mal të Zi”, tha ai.
Ai pretendon se ai ka udhëzuar komisarin e BE-së që të pyesë opozitën serbe se cili është pozicioni i tyre për Bashkimin Evropian, Kosovën, Marrëveshjen e Brukselit, Krimesë dhe çështje të tjera.
“Kam dëgjuar Olli Rehn, Stefan Füle, Johannes Hahn, por gjithçka ka lëvizur dobët,” shtoi Daçiç.
Duke u munduar të lehtësojë atë që ndodhi, ai gjithashtu i tha që ai dhe vendi i tij (Hungaria) ishin miq të Serbisë. /tesheshi.com/
