Jurgen Klopp i ka bërë thirrje FIFA-s dhe UEFA-s që të veprojnë për shkak të progresit agresiv të Arabisë Saudite kur bëhet fjalë, siç pretendon ai, për shkatërrimin e tregut për futbollistët evropianë.
Sauditët blejnë gjithçka që munden dhe Klopp beson se të gjithë duhet të jenë të vetëdijshëm për ndryshimin që ka sjellë në tregun e futbollit dhe t’i përgjigjen atij.
“Ndikimi i Arabisë Saudite është i madh për momentin. Gjëja më negative është se periudha e transferimit në këtë vend zgjat tre javë më shumë se këtu. I bëj thirrje FIFA-s dhe UEFA-s të reagojnë. Duhet gjetur një zgjidhje”, kërkoi Klopp.
Kujtojmë se tre lojtarë të Liverpool-it kanë shkuar tashmë në Arabinë Saudite këtë verë. Bëhet fjalë për Fabinho-n, Henderson dhe Firmino-n.
Të njëjtin problem ka komentuar edhe Pep Guardiola, nxitur nga largimi i fundit i Riyad Mahrez nga City.
Anësori u largua nga klubi i Pep për të nënshkruar me Al-Ahli për 40 milionë euro dhe me një pagë përrallore. Edhe City, klubi me më shumë para në botë, nuk kishte si t’i përgjigjej atij.
“Ne nuk po kërkojmë një zëvendësues për Riyad-in për shkak të llojit të lojtarit që ai është, çdo lojtar është i ndryshëm. Ajo që duhet të theksojmë është se Arabia Saudite ka ndryshuar tregun e lojtarëve. Disa muaj më parë, kur Ronaldo ishte i vetmiqë shkoi atje, askush nuk priste që shumë lojtarë të cilësorë të bënin të njëjtën gjë. Në të ardhmen do të ketë më shumë dhe klubet duhet të jenë të përgatitura për këtë”, tha Guardiola. /tesheshi.com/
