Pronari i linjës ajrore saudite Saudia dhe kompania me kosto të ulët flyadeal Saudia Group njoftoi se ka porositur 105 avionë shtesë nga familja A320neo nga prodhuesi evropian Airbus.
Porosia përbëhet nga 12 avionë pasagjerësh Airbus A320neo me trup të ngushtë dhe 93 modele A321neo.
Grupi shtetëror saudit njoftoi se linja ajrore Saudia do të marrë 54 avionë A321neo, ndërsa flyadeal me kosto të ulët do të marrë 12 avionë A320neo dhe 39 modelet e mbetura A321neo.
As Saudia Group dhe as Airbus nuk e zbuluan vlerën e transaksionit.
Rritja e kapacitetit
Dorëzimi i avionëve do të fillojë nga tremujori i parë i vitit 2026, tha Ibrahim al-Omar, drejtori i përgjithshëm i Saudia Group.
“Ne po rrisim kapacitetin e fluturimeve dhe vendeve në 100 e më shumë destinacionet tona ekzistuese në katër kontinente, me plane për zgjerim të mëtejshëm,” tha ai.
Saudia Group njoftoi se avioni i fundit do të dorëzohet në vitin 2032.
Saudia Group tani ka 144 porosi të parealizuara për avionë nga familja A320 neo, konfirmoi prodhuesi evropian i avionëve.
Familja A320 është një aeroplan me trup të ngushtë me 18,000 porosi nga më shumë se 300 klientë në mbarë botën.
Diversifikimi i ekonomisë
Marrëveshja e prokurimit u njoftua në Forumin e Aviacionit të Ardhshëm të mbajtur në Riad, ku porosia rekord saudite vlentr 19 miliardë dollarë, sipas Reuters, duke vënë në dukje se prodhuesit e avionëve zakonisht ofrojnë zbritje për porositë e mëdha.
Saudia Airlines planifikon të zgjerohet me shpejtësi gjatë shtatë viteve të ardhshme si pjesë e programit të princit të kurorës saudite Mohammed bin Salman Vision 2030, i cili synon të reduktojë varësinë e mbretërisë nga nafta.
Turizmi është një shtyllë kryesore e strategjisë së diversifikimit ekonomik, kujton Reuters. /tesheshi.com/
