Kryesues i Këshillit Prokurorial të Kosovës është zgjedhura Blerim Isufaj, i cili ka marrë tetë vota nga dhjetë anëtarë sa kishin të drejtë vote.
Kurse rivali tij, Bahri Hyseni ka marrë veç dy vota.
Para zgjedhjes kryesues Blerim Isufaj tha se sistemi prokurorial është hallka e një shteti ku sundon ligji dhe roli i KPK është esencial.
“Duke ditë këtë rëndësi kandidoj sot për të marrë kryesimin e këtij institucioni”, tha ai para zgjedhjes.
Ja kush është Blerim Isufaj
Blerim Isufaj ka lindur në Junik më 1968, ndërsa Fakultetin Juridik e ka mbaruar në Prishtinë më 1999. Provimin e Jurisprudencës e ka dhënë po në Prishtinë, më 2004.
Ndërkohë, si jurist ka ushtruar disa detyra.
Ka qenë sekretar në Shkollën fillore “Edmond Hoxha” në Junik (nëntor 1999-gusht 2002); praktikant në Prokurorinë Publike të Qarkut në Pejë (gusht 2002-korrik 2003); bashkëpunëtor profesional në Prokurorinë Publike të Qarkut në Pejë (prill 2004-maj 2008); këshilltar politik i ministrit të Drejtësisë (maj 2008-qershor 2010), dhe nga muaji korrik 2010 ka ushtruar detyrën e prokurorit të Qarkut në Prishtinë.
/tesheshi.com/
