Në marrjen e detyrës së re si ministër Rendi, Blendi Çuçi tha se nuk do donte të kujtohej si i tillë por si ministër i Brendshëm.
Sipas tij, ka një dallim në perceptim mes të dyjave.
Nga ana tjetër, ai e krahasoi politikën me artin e aktrimit.
“Në politikë është si në dramaturgji: vëmendjen e spektatorit nuk duhet ta marrë mënyra se si hyn aktori në skenë por ka shumë rëndësi dalja nga skena.
Kështuqë, përveç shprehjes së angazhimit tim maksimal për të justifikuar besimin e kryeministrit dhe grupit parlamentar, si dhe për të fituar besimin e publikut mbi të gjitha, do të doja të thosha vetëm një fjalë; që në përfundim në mandatit tim do të kisha dëshirë që publiku të thoshte që ‘i mbaroi mandati i Ministrit të Brendshëm’ dhe jo mandati i ministrit të Policisë apo ministrit të Rendit, gjë që për fat të keq është një perceptim që vazhdon edhe pse Sandri bëri një përpjekje shumë të madhe për ta ndryshuar.
Besoj fort, madje i bindur që nuk u kuptua Ministria e Brendshme si e tillë”, tha njeriu që deri dje drejtonte Bujqësinë. /tesheshi.com/
