Presidenti i pezulluar i FIFA-s, Joseph Blatter, ka deklaruar për televizionin zvicerian RTS, se ishte në presion të madh muajt e fundit, me ç’rast ishte shtrirë në spital dhe ishte shumë afër vdekjes.
Blatter, 79 vjeçar ishte ndjerë keq më 12 nëntor të këtij viti duke përjetuar një krizë të vogël emocionale. Mediat raportuan për diçka si jo serioze, mirëpo vet zviceriani tregon më së miri për gjendjen e tij.
“Isha në mesin e këngëve të ëngjëjve dhe zjarrit të djajve. Në fund fitoi kënga e ëngjëjve, me ç’rast i shpëtova vdekjes pas gjithë kësaj tronditje”, theksoi Blatter.
Por, Blatter thekson se arsyet e krizës që kishte përjetuar: “Është normale të jesh nën presion. Nëqoftëse je i përgatitur mirë mentalisht, mundesh të rezistosh, por në disa momente trupi të thotë ‘jo’ dhe në këtë momente trupi im tha mjaft më”.
Në fund të invervistës Blatter foli edhe për Platininë, për të cilin tha se askush nuk dyshon se ai do zgjidhet edhe njëherë tjetër President i UEFA-s, pavarësisht pezullimit 3-mujor që ka marrë. /tesheshi.com/
