Më shumë se 50 biznesmenë britanikë nënshkruan një letër me anë të së cilës kërkohet një votim i ri mbi kushtet përfundimtare të Brexit.
Ata nuk i referohen drejtpërsëdrejti referendumit, por thonë se “zgjedhja përfundimtare” duhet t’u kthehet votuesve, raporton Reuters.
Mbështetësit dhe kundërshtarët e Brexit kanë intensifikuar fushatën e tyre, ndërsa Londra dhe Brukseli po shpresojnë të arrijnë një marrëveshje mbi Brexit deri në fund të vitit.
Ministri britanik për Brexit, Dominic Raab u tha ligjvënësve në Londër se ai pret që ndarja me BE të arrihet përpara 21 nëntorit.
Britania duhet të largohet nga BE më 29 mars, por një kufizim kufitar pengon Londrën dhe Brukselin të arrijnë marrëveshje mbi kushtet e ndarjes dhe tranzicionin e qetë si një marrëdhënie të re.
Vonesa ka shkaktuar frikën se Britania e Madhe mund të rrezikojë largimin nga BE pa marrëveshje, gjë që mund të çonte në kaos dhe trazira ekonomike. /tesheshi.com/
