Petrit Vasili, kryetar i grupit parlamentar të LSI-së, e cilëson përfshirjen e biznesit të vogël në skemën e TVSH-së nga ana e qeverisë, si goditjen e fundit që kryeministri Rama po i jep familjarëve shqiptarë që e kanë lidhur mbijetesën me fitimet e pakta nga sipërmarrja e tyre modeste.
“Kryeministri marionetë e oligarkisë, trembet të flasë për TVSH-në e biznesit të vogël.
Mijëra qytetarë që kanë lidhur mbijetesën e familjeve dhe fëmijëve të tyre me biznesin e vogël janë në ankth.
TVSH për ta është një problem kritik në përballjen e tyre për mbijetesë.
Rregullat që kryeministri i paditur dhe mizor jua ndryshon përditë janë një vrasje masive publike.
Ky mediokër kryeministër është i qetë vetëm kur oligarkët gëzohen për rregullat, që ai vë dhe i pasuron pa fund ata.
Biznesi i vogël kërcënohet nga asgjësimi masiv për llogari të supermarketeve gjigante të oligarkisë.
Mijëra familje lihen në mëshirë të fatit nga arroganca e një shkollëpaku të shëndrruar në marionetë të oligarkisë.
Ky kryeministër nepsqar i urren shqiptarët e thjeshtë dhe të varfër. Asgjësimi dhe kthimi i tyre në skllevër e kënaq”, shkruan Vasili në rrjetin social. /tesheshi.com/
