Papa Françesku është mirë pas operacionit të zorrës së trashë, tha Vatikani të dielën, pasi Papa 84-vjeçar u shtrua në spital për herë të parë që kur u zgjodh në 2013.
Zëdhënësi Matteo Bruni tha në një deklaratë se papa ishte “përgjigjur mirë” operacionit, i cili u krye nën anestezi të përgjithshme dhe për të cilin Vatikani kishte thënë më parë se ishte planifikuar dhe nuk u nxit nga një urgjencë.
Bruni nuk dha detaje shtesë për operacionin, as për sa kohë zgjati, as nuk tha sa do të qëndronte Papa në Spitalin Gemelli të Romës.
Papa arriti në spital të dielën pasdite dhe deklarata e Vatikanit u lëshua pak para mesnatës me kohën e Romës.
Papa Françesku iu nënshtrua një operacioni për stenozën simptomatike divertikulare të zorrës së trashë. Operacioni u krye nga një ekip mjekësor prej 10 personash.
Përveç shkaktimit të dhimbjes, gjendja mund të çojë në fryrje, inflamacion dhe vështirësi në jashtëqitje. Ka tendencë të ndikojë më shumë tek personat e moshuar.
Kjo është hera e parë që Papa Françesku pranohet në spital që kur u zgjodh në 2013.
Vetëm disa orë para se të njoftojë nisjen e tij për operacion, Papa iu drejtua mijëra njerëzve në Sheshin e Shën Pjetrit gjatë bekimit të së dielës dhe njoftoi një udhëtim në Sllovaki dhe Budapest në shtator.
Papa Françeskut ndonjëherë ka problem në frymëmarrje, sepse një pjesë e një mushkërie i është hequr për shkak të një sëmundjeje për të cilën po trajtohej si i ri në Argjentinën e tij të lindjes.
Ai gjithashtu vuan nga ishiatiku, një gjendje që shkakton dhimbje të forta nga pjesa e poshtme e shpinës përgjatë nervit në këmbë.
Për shkak të dhimbjes, ai ndonjëherë ka vështirësi në të ecur dhe rregullisht shkon në terapi fizike, për këtë arsye ai humbi disa evente në fillim të këtij viti.
Ndërkohë në Shqipëri, i shqetësuar për shëndetin e tij nuk është shfaqur publikisht ndonjë klerik katolik por vetë Meta.
“U bashkohem lutjeve për suksesin e operacionit të planifikuar kirurgjikal të Atit të Shenjtë, me urimin e përzemërt për shërim të shpejtë dhe të plotë, si dhe për rikthimin sa më parë në krye të detyrës së Tij tepër të rëndësishme në të mirë të njerëzimit dhe përhapjes së mesazheve hyjnore”, shkroi njeriu që mban postin e kreut të shtetit, prej javësh i shkarkuar nga parlamenti, në pritje se çdo thotë Kushtetuesja. /tesheshi.com/
