Takimi i javës së ardhshme midis Matthew Nimetz, ndërmjetësit special të Kombeve të Bashkuara për konfliktin mbi emrin e Maqedonisë dhe negociatorëve grekë pritet të shpejtojë përpjekjet drejt një zgjidhjeje për problemin që ka ndarë dy vendet për më shumë se dy dekada.
Nimetz do të takohet me Adamantios Vasilakis dhe Vasko Naumovski, ndarazi, në 20 dhe 21 nëntor, njoftoi kryeministri maqedonas, Zoran Zaev.
Ndërkaq, ministri grek i Punëve të Jashtme, Nikos Kotzias takohet në Bruksel me homologun maqedonas, Nikola Dimitrov.
Sipas një postimi në Tuiter nga zëvendëskryeministri i Maqedonisë, Bujar Osmani, Athina dhe Shkupi kanë rënë dakord të rifillojnë kontaktet.
Ka raportime në media se me gjasa Osmani do të vizitojë Athinën javën e ardhshme për bisedime. Analistët thonë se presin që takimet mes palëve të intensifikohen në fillim të vitit 2018. /tesheshi.com/
