Delegacioni i Kosovës, i drejtuar nga kryenegociatori Avni Arifi, po qëndron në Bruksel për të vazhduar dialogin teknik me Serbinë.
Ajo që bie në sy është se ky delegacion përbëhet nga 12 persona, pra një ekip i tërë futbolli dhe një lojtarë rezervë.
Përveç Arifit, janë edhe këshilltarë tjerë të Haradinajt, si Halil Matoshi, Meliza Haradinaj p0or edhe tjerë që nuk dihet se çfarë roli kanë në këto bisedime.
Me ta është edhe Endrit Shala, këshilltar i Fatmir Limajt, si dhe Blerand Stavileci, shef i kabinetit të kryeparlamentari Kadri Veseli dhe Ardian Airfaj, këshilltari i presidentit Thaçi.
Dialogu teknik mes dy shteteve u ndërprerë më 17 janar, nga pala serbe, kur u vra Oliver Ivanoviç.
E pasi serbët u bindën nga Bashkimi Evropian për vazhdimin e dialogut, takimi fillimisht i ekipeve që merren me anën teknike të dialogut, u caktua të mbahet me 26 shkurt.
Kryenegociatori Avni Arifi, para se të nisej për Bruksel, ka raportuar para Komisionit Parlamentar për Punë të Jashtme, me ç’rast ka thënë se në takimin e sotëm do të diskutohet për zbatimin e marrëveshjeve të arritura. /tesheshi.com/
