Bashkëshortja e presidentit serb, Tamara Vuçiç, ka patur një me zonjën e parë të Ukrainës, Olena Zelensky, ku ajo çfarë është diskutuar mes tyre ka qenë kriza humanitare dhe dëshira për vendosjen e paqes sa më shpejt të jetë e mundur.
Në përputhje me udhëzimet e qeverisë së Serbisë, Tamara Vuçiç premtoi se Serbia do t’i dorëzojë Ukrainës dy autoambulanca, si një formë mbështetjeje nga ky vend për zgjidhjen e problemeve jetike humanitare në Ukrainë, transmeton RTS.
“Si grua dhe nënë, dua të ndaj me ju një dëshirë personale – që paqja të vijë sa më shpejt që të jetë e mundur, si parakusht kryesor për çdo përparim në të ardhmen, për të gjithë njerëzit”, tha Tamara Vuçiç gjatë një interviste video me Olena Zelensky.
“Serbia do t’i dhurojë Ukrainës dy ambulanca të pajisura plotësisht. Kjo është mënyra jonë për të shprehur mbështetjen tonë dhe për të treguar se kujdesemi, si dhe se e kuptojmë situatën në Ukrainë”, tha Tamara Vuçiç.
Nuk është e vështirë të kuptohet se biseda mes tyre është reflektim i llojit të politikës që ndjek Vuçiç, duke dashur t’i japë sinjale properëndimore Perëndimit teksa nuk pranon të prish raportet e ngushta me Rusinë. /tesheshi.com/
