Kreu i KQZ-së Denar Biba, ka mohuar që ai të ketë shantazhuar Ledio Biankun, gjyqtarin shqiptar në Strasburg, siç aludon opozita, duke iu qasur një bisede mes tyre me theks pezullimin e procesve për pronat, kërkuar nga qeveria shqiptare. Ka qenë një e përditshme e Tiranës që publikoi bisedën, në të cilën janë veçuar fraza të dyshimta, edhe për vetë temën e diskutuar mes tyre, atë të shtyerjes të proceseve për pronat, por në gjykimin e Bibës, asgjë nuk është ashtu siç po komentohet.
“Në asnjë lloj rrethane nuk ka qenë ndërhyrje e paligjshme. Të dalë biseda e plotë dhe e pacensuruar dhe do të kuptohet që ka qenë bisedë mes dy miqsh.
Asnjë lloj shantazhi dhe asnjë lloj ndërhyrje. I shpjegoja ish-pedagogut tim përse e kishte nevojë Shqipëria të merrte këtë shtyrje. Nuk e kuptoj se kush përfiton, sepse as opozita nuk përfiton nga kjo. Të dalë audio e plotë e paperë. Nuk ka absolutisht asgjë”, tha Biba gjatë një komunikimi për mediat. /tesheshi.com/
