Vetëvendosje në Kosovë ka marrë një goditje të rëndë, pikërisht nga i atij rrugën e të cilit VV thotë se e ka kauzë, Ukshin Hoti. Andi Hoti, i biri atij që nuk dihet nëse ëshët gjallë apo i vdekur, por thjesht i zhdukur që nga periudha e luftës, ka akuzuar partinë e Albin Kurtit se ka fshirë nga ambientet publike në Prishtinë grafitet me thirrjen për të ditur se ku ndodhet babai i tij.
“KULMI I MARRËZISË!
Vetëvendosje fshin grafitet me mbishkrimin “Ku është Ukshin Hoti”
Një tragjedi familjare të cilën “Vetëvendosja” po e keqpërdor në mënyrë të turpshme për kauzën e saj politike, ka shkelur edhe mbi kërkesën e qytetarëve të Prishtinës për fatin e babait tim, Ukshin Hotit.
Ju s’keni TURP!
S’ka shumë kohë kur deklaronit se ju e ndiqni platformën e Ukshin Hotit, ndërsa sot po ju pengon iniciativa e qytetarëve me mbishkrimin “Ku është Ukshin Hoti?”
Apo s’po mund ta përdorni edhe më tutje emrin e tij dhe tani vazhdoni me Astritin, një djalë fatkeq vdekjen e të cilit e keni kthyer në kauzë politike.
Si guxoni ta shfrytëzoni deri në këtë pikë tragjedinë e një të riu, apo thjesht jeni duke ‘luftuar’ që ta pengoni sqarimin e plotë të saj!
Jo pak herë më keni sulmuar në mënyrë indirekte për interesat Tuaja politike, por ato i kam kaluar si hesape të lojës politike. Mirëpo, kjo është e pafalshme!” (sic), ka shkruar Adni Hoti në një postim në fb.
Ukshin Hoti, ka qenë një ndër figurat e shquara të mendimit politik në Kosovës. I burgosur disa herë nga ish-regjimi serb, ai nuk arriti të dilte më që aty, e prej vitesh nuk dihet asgjë për fatin e tij. /tesheshi.com/
