Ndërhyrja zgjati 15 orë por tani për dy binjaket siameze nis një jetë e re. Ximena e Scarlett Hernandez-Torres, të lindura më 16 maj të vitit të shkuar janë ndarë në një spital në Texas. Vajzat ndanin sëbashku zorrën e trashë dhe kishin të njëjtin organ gjenital.
Një ekip specialistësh ka punuar gjatë operacionit, i cili është studiuar në detajet më të vogla dhe ka përfunduar me sukses. Vajzat kanë ende rrugë për të bërë, pasi në fakt duhet t’u nënshtrohen ndërhyrjeve të tjera për të rindërtuar zorrën e trashë, por nga gjasat, gjithçka do të rezultojë një sukses. Dy vajzat kanë edhe një binjake të tretë, Catalinën, e cila ka lindur shëndoshë e mirë.
Një rast shumë i rrallë ky i tre binjakeve, i cili i ka kushtuar shumë sakrifica dhe ditë të vështira prindërve. Nëna e tyre ka kaluar 10 muaj në një shtëpi të vogël afër spitalit, e përdorur për pacientët, bashkë me dy vajzat e vogla.
“Që kur lindën kam pritur me ankth këtë moment sepse doja ti mbaja një nga një në krahë dhe ti përqafoja fort”, – tregon e ëma për shtypin vendas, duke përfunduar se ëndërron për të voglat e saj një jetë normale. /tesheshi.com/
