Bindja e shqiptarëve se çdo situatë mund ta zgjidhin me ryshfet, nuk ka të ndalur; edhe në rastet kur për praktika të tilla pret arrestimi, siç ndodh me policinë rrugore.
Shtetasi Lavdimir Qose, 47 vjeç, u arrestua së fundi pasi tentoi të korruptonte policët rrugorë të cilët e ndaluan dhe konstatuan që mjeti që ai drejtonte ishte me taksa të papaguara dhe pa çertifikatë koaludimi. Kjo situatë ndodhi në Sukth.
Ai tentoi ta zgjidhte këtë moment duke iu ofruar policëve shumën prej 2.000 lekësh, por që prej tyre mori si përgjigje prangat, me akuzën “tentativë korruptimi”.
Kjo praktikë po zbatohet prej dy vitesh në raportet polic-drejtues automjetesh, por arrestimet e shumta nuk po ndikojnë në bindjen që sundon tashmë që edhe policët dalin “për të bërë lekë”. /tesheshi.com/
