Presidenti i Shteteve të Bashkuara, Donald Trump, përsëriti për mediat se ai beson se Egjipti dhe Jordania do të pranojnë palestinezët nga Rripi i Gazës, në përputhje me idenë e zhvendosjes së kësaj popullsie nga zona e shkatërruar nga lufta, një ide që ai e promovoi pak ditë më parë.
Por propozimi i Trump tashmë është refuzuar si një opsion i mundshëm nga Jordania dhe Egjipti.
“Ata do ta bëjnë, do ta bëjnë,” tha Trump kur u pyet nga gazetarët nëse ai mund të bindë presidentin egjiptian Abdel Fattah el-Sisi dhe mbretin e Jordanisë Abdullah II që të pranojnë palestinezët.
Kur u pyet pse mendonte kështu, Trump u përgjigj: “Ne bëjmë shumë për ta dhe ata do ta bëjnë këtë”. /tesheshi.com/
