Princi i Kurorës saudite, Muhamed bin Selman, ka mbërritur në Uashington ku të martën pritet të takohet me Presidentin Trump.
Kërcënimi nga Irani, bllokada ndaj Katarit, si dhe reformat e brendshme sociale e kulturore në kuadër të “Vizion 2030”, pritet të jenë temat kryesore që do diskutohen mes tyre.
Takimi i parë qe në maj, në Riad, e tani në Uashington, ata, siç vlerësojnë analistët, pritet të njihen akoma më mirë me njëri-tjetrit.
Takimi i majit, Trump – bin Selman dha efekte të menjëhershme, në politikën e Jashtme me bllokadën ndaj Katarit, e në atë të brendshme me nisjen e reformave për një “Islam të moderuar”, duke u paraprirë tek lejimi i femrave për të drejtuar automjetin apo të për të shkuar në stadium.
“Muhamed bin Selman ka filluar një program jashtëzakonisht pozitiv për reformën kulturore në Arabinë Saudite, veçanërisht për të kthyer Mbretërinë në rrënjët e saj në Islam të moderuar”, tha Jim Smith, i cili shërbeu si ambasador i SHBA në Arabinë Saudite në periudhën 2009-2013.
Në këtë kohë ndodhi gjithashtu dhe njohja e Jerusalemit si kryeqytet i Izraelit, çka zemëroi të gjithë botën arabë e atë muslimane. Reagoi padyshim dhe Saudia, ndërkohë që në bisedimet mes dy lidërve, në tavolinë do jetë dhe kjo çështje.
Është bërë e qartë tashmë se Princi i Kurorës po tenton të marrë lidershipin botës islame në Lindjen e Mesme, duke i rënë të konkurojë me Presidentin Erdogan. E kjo ka efektuar tek një acarim i raporteve Riad – Ankara. Dhe lidershipi i synuar nga bin Selman, siç është bërë e qartë tashmë, do ketë si sponsor politikën e Uashingtonit. /tesheshi.com/
