Media greke po shpreh entuziazëm nga një vizitë në Athinë e Princit të Kurorës së Arabisë Saudite, Mohammed bin Salman, i ashtuquajturi “MBS”.
Sipas shtypit të Athinës, ai po sjell marrëveshje të rëndësishme ndërkombëtare, tre marrëveshje të mëdha biznesi dhe shumë më të vogla, i shoqëruar nga ministra dhe 30 biznesmenë të mëdhenj të vendit.
Marrëveshjet e bashkëpunimit kanë të bëjnë me fushat e mbrojtjes, parandalimit të krimit, infrastrukturës, certifikimit, shkencës dhe teknologjisë, energjisë dhe kulturës, thuhet më tej.
Siç raporton Protothema, gjithashtu pritet nënshkimi përfundimtar përpara kryeministrit dhe trashëgimtarit të fronit saudit nga pjesëmarrësit në Konsorciumin Katërpalësh për zhvillimin e një kablloje broadband nënujore – dhe jo vetëm – për trafikun e të dhënave nga Singapori në Xhenova. Një projekt që do ta bëjë Arabinë Saudite një lojtar rajonal në trafikun global të të dhënave dhe Greqinë portën lindore të BE-së, duke qenë se do të jetë kablloja e parë që do të lidhë Evropën dhe Azinë përmes Mesdheut lindor. Partnerët në Konsorcium janë PPC dhe TTSA nga Greqia, CYTA nga Qipro dhe Saudi Telecom nga Arabia Saudite.
Gjatë ditës së dytë të vizitës zyrtare të kryesauditit, pritet të ketë shumë lajme nga biznesi.
Tashmë, informacionet e sigurta thonë se dy marrëveshje të mëdha janë duke “gatuar”, e para në sektorin e energjisë dhe e dyta në sektorin e shëndetësisë, thuhet në raportimet e medias greke. /tesheshi.com/
