Loja e PBDNJ-së së Vangjel Dules me mbështetjen greke në zgjedhjet parlamentare shqiptare ka nisur me ofrimin e biletave falas për emigrantët që udhëtojnë drejt Himarës më 25 qershor.
Prej disa ditësh qarkullojnë njoftime për udhëtime me autobus falas nga Greqia në drejtim të fshatrave të Himarës. Sipas njoftimit, janë të parashikuara dy nisje, pasditen e datës 23 qershor dhe pasditen e datës 24 qershor, raporton Top-channel.
Ky fenomen ka ndodhur edhe në zgjedhjet e shkuara.
Për të gjithë ata që pranojnë biletat falas duhet të plotësojnë një formular ku deklaron se vota e tij do të jetë për PBDNJ dhe Vangjel Dulen.
Dule kandidon nën siglën e Partisë Demokratike në këto zgjedhje dhe ministrat teknikë të PD-së duhet të hetonin çdo rast abuzimi me votën, shitjen dhe blerjen e saj.
A do t’a cilësojë Task-Forca qeveritare këtë rast shit-blerje të votës apo do të bëjë një sy qorr dhe një vesh shurdh për të lënë Dulen të marrë vota “greke” në territorin shqiptar?! /tesheshi.com/
