Bildt: Gjermania përgatitet për 1.5 milion refugjatë deri në fund të vitit

Gjermania po përgatitet të presë 1.5 milion refugjatë gjatë këtij viti, edhe pse shifra e parë e dhënë nga autoritetete ishte 800 mijë persona. Gazeta më e shitur gjermane, Bildt raporton se Berlini po përgatitet të ketë një fluks shumë më të madh refugjatësh nga sa ishte parashikuar.

Këto parashikime të qeverisë janë cituar nga gazeta sipas burimeve anonime, megjithatë Bildt shkruan se për shkëk të këtyre shifrave, presioni që ushtrojnë emigrantët do të shtohet akoma edhe më shumë.

“Tashmë mund të presim 7 deri në 10 mijë kalime ilegale të kufirit çdo ditë në tremujorin e fundit”, shkruan Bild.

Sipas gazetës, autoritetet gjermane janë të shqetësuara për rrezikun e “mungesës së kushteve” dhe ato tashmë po kanë probleme me numrin e nevojshëm të strehave dhe kapaciteteve për të pritur të ardhurit e rinj.

Kancelarja Merkel ndërkaq, nuk e ka humbur gjakftohtësinë. Në komentet më të fundit, ajo tha se Gjermania nuk do të ulë përkushtimin për strehimin dhe ndihmën ndaj azilkërkuesve e refugjatëve të luftës. /tesheshi.com/