Bilanci i policisë: deri tani 12 të vdekur nga zjarri në kullën e banimit në Londër

12 persona kanë humbur jetën në zjarrin që përfshiu një bllok të lartë banimi në perëndim të Londrës dhe numri i viktimave, sipas policisë,  pritet të rritet.

Zjarrfikësit kanë mundur të shpëtojnë 65 njerëz nga kulla Grenfell në Kesingtonin verior, pasi ata kërkuan ndihmë. Dëshmitarët okularë thanë se kishte njerëz të bllokuar në bllokun e banimi, që thërrisnin për ndihmë e që kërkonin të shpëtonin fëmijët e tyre.

Autoritetet po planifikojnë kontrolle në blloqe të ngjashme banimi. Shërbimi i ambulancave tha se kishte dërguar 65 pacientë në 6 spitale në të gjithë Londrën, 18 prej të cilëve në gjendje kritike për jetën. 10 persona të tjerë shkuan vetë në spital.

Gjatë natës, dëshmitarët thanë se kishin parë drita – që mendohen se ishin telefona celularë apo elektrikë dore në majë të ndërtesës, dhe banorë që qëndronin pas dritareve, disa duke mbajtur edhe fëmijë në krah.

Jo zyrtarisht thuhet se “disa qindra” njerëz mund të kenë qenë në godinë kur shpërtheu zjarri pak pas mesnatës, pjesa më e madhe e të cilëve në gjumë. /tesheshi.com/