Bie “Zajednica”. Asociacionin shpallet i papërputhshëm me Kushtuetutën. Jahjaga, partive: Pranojeni vendimin

Gjykata Kushtetuese e Kosovës ka vendosur se Asociacioni i Komunave me shumicë serbe nuk është tërësisht në përputhshmëri me frymën e Kushtetutës, me nenin 3 të saj dhe me të drejtat e komuniteteve në Kushtetutën e Kosovës.

Megjithatë, është dhënë aprovimi për të vazhduar me themelimin e Asocacionit dhe kjo krejt i është lënë në dorë qeverisë së Kosovës dhe dekretit që pritet të miratohet dhe dërgohet në Gjykatën Kushtetuese.

Vendimi

“KONSTATOJË qe akti juridik i Qeverisë së Republikës së Kosovës dhe Statuti që implementon Parimet, për të qenë në pajtueshmëri me frymën e Kushtetutës, me nenin 3 [paragrafi 1, me Kapitullin II dhe III, duhet të plotësojnë standardet kushtetuese dhe duhet të jenë në pajtueshmëri posaçërisht me nenet 3, 7, 12, me Kapitullin II [Të Drejtat dhe Liritë Themelore], me nenet 21 dhe 44, me Kapitullin III [Të Drejtat e Komuniteteve dhe Pjesëtarëve të tyre”, thuhet në vendimin e Kushtetueses.

Jahjaga pas vendimit të Kushtetueses: Të rifilloj dialogu pozitë-opozitë

Presidentja Atifete Jahjaga, ka pranuar vendimin e Gjykatës Kushtetuese për Asociacionin e Komunave Serbe, duke ju bërë thirrje të gjitha institucioneve dhe spektrit politik në Kosovës që të respektojnë vendimin e Gjykatës Kushtetuese.

“Presidentja Jahjaga ka ftuar partitë e koalicionit qeverisës dhe opozitën të shfrytëzojnë këtë moment për të rinisur dialogun politik në Kosovë dhe për të rikthyer normalitetin në vend” (siç.)”, thuhet në deklaratën e Presidencës.

Në linkun mëposhtë gjeni aktgjykimin e plotë të Kushtetueses:

http://www.gjk-ks.org/repository/docs/gjk_ko_130_15_shq.pdf

/tesheshi.com/