Spiro Ksera, Ish-ministri i Punës dhe Çështjeve Sociale gjatë qeverisjes Berisha, është ndaluar nga policia gjatë orëve të mbrëmjes të së premtes, pas një urdhëri të lëshuar nga Prokuroria.
Ai akuzohet për një sërë aferash gjatë ushtrimit të detyrës së ministrit, po veçanërisht për abuzime me disa donacione për komunitetin rom, në dëmin prej rreth 30 milionë lekësh.
Më parë, edhe ish-shefi i kabinetit në dikasterin e drejtuar prej tij, Kleves Bitro, është proçeduar për të njëjtën akuzë.
Me prangosjen e Spiro Kserës, shënohet rasti i parë kur një ish-ministër i Bërishës shkon në qeli më akuzat për korrupsion.
Qeveria Rama është akuzuar jo pak nga baza socialiste si e paaftë për të ndëshkuar të korruptuarit e qeverisjes së mëparshme, ashtu siç u premtua para ardhjes në pushtet.
Gjatë ditëve në vijim pritet nëse do të ketë dhe ndonjë reagim nga Athina, pasi Spiro Ksera vjen nga minoriteti grek në jug të vendit. /tesheshi.com/
