Stevo Pendarovski do të jetë presidenti i ri i Maqedonisë së Veriut. Njeriu i përzgjedhur nga LSDM-ja, partia në pushtet, e i mbështetur dhe nga BDI-ja e një elektorat i gjerë shqiptar, fitoi balotazhin ndaj rivales së VMRO-së në opozitë, Gordana Siljanovska. Kjo e fundit morri 44.57% të votave përballë Pendarovskit që morri 51.83 %.
“Populli im, faleminderit! Kjo sot ishte një fitore e shumicës së qytetarëve. Sot fituan qytetarët. Dua të deklaroj se do t’u shërbej me përkushtim të gjithëve”, tha Pendarovski.
Ndërsa Zaev, i cili me anë të Pendarovksit bëri të mundur të parat zgjedhje të fituara pastër ndaj VMRO-së, u shpreh: “Sot të gjithë mund të festojmë sepse dëshmuam se ky është vend me qytetarë të përgjegjshëm”.
Me Pendarkovskin në krye të Presidencës, bie dhe “kështjella e fundit” e LSDM-së. Gjerorgje Ivanov, ishte njeriu që ende i bënte karshillëk pushtetit të Zaevit, duke qenë “dora e zgjatur” e Gruevskit, tashmë në arrati.
Me Siljanovskan, LSDM shpresonte ta mbante sërish presidencën. /tesheshi.com/
