Raste të reja të infeksionit koronavirus janë shfaqur në Mal të Zi, vendin e parë në Europë që shpalli “fitoren” javë më parë, pasi i zeroi të gjitha rastet. Drejtori i Qendrës Klinike të Malit të Zi, Jevto Erakoviç, tha se ai mund të thotë me siguri se të gjitha rastet e reja janë importuar.
Erakoviç thotë se rishfaqja e virusit nuk është e papritur, duke marrë parasysh sjelljen e papërgjegjshme të qytetarëve, dhe ai pret që numri i të infektuarve të jetë edhe më i lartë në ditët në vijim.
Numri i personave të infektuar në Mal të Zi u rrit në nëntë të mërkurën, pasi Instituti Malazez i Shëndetit Publik konfirmoi shtatë raste të reja të infeksionit.
Më parë, autoritetet shëndetësore malazeze, pas asnjë rasti të infeksionit për 42 ditë rresht, regjistruan dy raste të infeksionit midis banorëve të atij vendi që kishin qenë në Bosnje për një kohë të shkurtër.
Më 1 qershor, Mali i Zi hapi kufijtë e tij për 130 vende me më pak se 25 raste aktive për 100,000 njerëz.
Në fillim të qershorit, qeveria malazeze shpalli përfundimin e epidemisë së koronavirusit në territorin e saj, pas pas 28 ditësh me radhë, pra dy periudha inkubacioni, nuk u regjistrua asnjë rast i ri i sëmundjes.
Dhe më 24 maj, Mali i Zi u bë vendi i parë “pa koronë” në Evropë. /tesheshi.com/
