Sadrit Danaj, “kështjella e parafundit” e Koço Kokëdhimës në Vlorë, u rrëzua sot pasi Këshilli i Qarkut vendosi shkarkimin e tij si kryetar. Kundër procedurës së shkarkimit janë shprehur përfaqsues të LSI-së në qark duke e konsideruar si jo transparent.
Danaj ishte një prej njerëzve të afërt të Kokëdhimës, i vënë nga ky i fundit në këtë post. Danaj gjithashtu ishte një ndër të akuzuarit e opozitës, në kohën kur dhe Koço po ashtu akuzohej rëndë politikisht. Për të përzgjedhurin e tij në krye të Qarkut Vlorë, opozita pretendonte se kishte problem me të kaluarën.
Tashmë, i vetmi njeri i Kokëdhimës në pushtet, që mund të konsiderohet si “kështjellë e fundit”, është kryebashkiakja e Sarandës, Floriana Koka.
Ish-sekretare e Stefan Çipës në krye të bashkisë së qytetit bregdetar, ajo u përzgjodh nga Koço për të drejtuar Sarandën duke shmangur Çipën me të cilin kishte mosmarrëveshje të shumta. /tesheshi.com/
