Në rajonet lindore të Turqisë, më saktë në Erzurum, u shënua rënia e borës së parë këtë fundjavë.
Edhe pse nuk është diçka e pazakonta rënia kaq shpejt e dëborës për ato zona, që në muajt e parë të vjeshtës, sërish banorët u ndjenë të befasuar kur u zgjuan dhe panë qytetin e tyre të bardhësuar nga dëbora e rënë gjatë natës.
Qendrat e skijimit që ndodhen në zonë njoftuan se trashësia ka shkuar në afro 12 cm, si për t’u thënë njerëzve që fundjavën mund ta kalojnë duke bërë ski. /tesheshi.com/
