Presidenti Biden bëri thirrje të martën për një ndalim të përgjithshëm të pushkës gjysmë automatike të përdorur në atentatin e së shtunës ndaj kundërshtarit republikan Donald Trump dhe në fjalimin e tij të parë pas asaj ngjarjeje, ai tha se situata politike në vend ishte shumë e nxehtë.
“Më ndihmoni të shpëtoj rrugët e Amerikës nga këto armë lufte. AR-15 u përdor në të shtënat ndaj Donald Trump. Kjo ishte arma që vrau shumë të tjerë, përfshirë fëmijë. Është koha për ta hequr dhe për ta nxjerrë jashtë ligjit”, tha presidenti aktual në Las Vegas.
Në konventën vjetore të NAACP (Shoqata Kombëtare për Përparimin e Njerëzve me Ngjyrë), një tubim i madh i komunitetit afrikano-amerikan, Biden theksoi se ai është plotësisht në fushatën – “all in” – për rizgjedhjen në zyrë e presidentit, dhe turma e përshëndeti atë me thirrjet “katër vite të tjera”.
Ai tha se ishte i lehtësuar dhe mirënjohës që Trump nuk u plagos rëndë në një tubim të fushatës në Pensilvani të shtunën, kështu që ai përsëri bëri thirrje për “ftohje” në shoqëri.
“Politika jonë është nxehur shumë,” tha Biden.
Tentativa për vrasjen e një kundërshtari republikan e shtyu fushatën e Biden ditët e fundit të tërhiqte reklamat e tij televizive, të braktiste sulmet verbale ndaj tij dhe në vend të kësaj të përqëndrohej në një mesazh uniteti, megjithatë, duke u kthyer në gjurmët e fushatës, Biden përsëri mbajti kritika të ashpra ndaj Trump nga Las Vegas si një ish-president në fronte të ndryshme, duke përfshirë menaxhimin e tij të ekonomisë gjatë pandemisë së koronavirusit. Ai e vlerësoi mandatin e Trump në krye të SHBA-ve si “ferr për afrikano-amerikanët”.
“Më lejoni të përsëris sepse Trump po gënjen si dreq për këtë – papunësia e zezakëve arriti një rekord të ulët nën administratën Biden-Harris,” tha Biden, duke kujtuar pretendimet e Trump se paraardhësi i tij Barack Obama nuk ishte një qytetar amerikan, por duke përmendur gjithashtu “punët e zeza” në debatin e 27 qershorit.
Zyrtarët e Shtëpisë së Bardhë shpresojnë se përpjekja për vrasjen e Trump do të lehtësojë presionin ndaj Biden për t’u tërhequr si kandidati demokrat, në përgjigje të shqetësimeve rreth mprehtësisë së tij mendore dhe qëndrueshmërisë për të shërbyer një mandat tjetër katërvjeçar.
Në fund të fjalimit të tij në Las Vegas, Biden adresoi pikërisht ato kritika se ai është shumë i vjetër për këtë punë.
“Shpresoj se kam treguar pak mençuri sot. Ja çfarë di – unë di të them të vërtetën. Unë e di të drejtën nga e gabuara. Unë e di se si bëhet kjo punë”, tha ai. /tesheshi.com/
