Presidenti amerikan shpjegoi se inteligjenca amerikane kishte identifikuar kreun e Al-Kaedës në fillim të këtij viti dhe se një sulm ajror ishte kryer në Kabul.
“Të shtunën, nën urdhrat e mia, Shtetet e Bashkuara kryen një sulm ajror në Kabul, Afganistan, i cili vrau kreun e al-Kaedës, Ayman al-Zawahri”, tha presidenti amerikan gjatë një fjalimi urgjent televiziv nga Shtëpia e Bardhë.
“Drejtësia është vënë në vend,” shtoi Joe Biden. “Ne kurrë nuk dorëzohemi”, shtoi ai.
Operacioni nuk shkaktoi “asnjë viktima civile”, siguroi Biden në fjalimin e tij.
Ayman al-Zawahri ishte një nga personat më të kërkuar në botë. Uashingtoni ofroi një shpërblim prej 25 milionë dollarësh për çdo informacion që çon në vendndodhjen e tij.
Sipas Biden, sulmi ajror i njoftuar më herët nga zyrtarët e administratës së tij tha se ishte kryer nga një UAV i CIA-s e kësisoj nuk vrau asnjë anëtar të familjes së shefit të Al Kaedës.
Në të njëjtën kohë, një zyrtar amerikan theksoi para gazetarëve se operacioni që rezultoi në eliminimin e liderit të Al-Kaedës u krye nga ajri dhe pa praninë amerikane në terren. Ndërsa ai e karakterizoi praninë e Ayman al-Zawahri në kryeqytetin afgan si një “shkelje të qartë” të marrëveshjeve të nënshkruara nga talebanët me SHBA.
Ky është sulmi i parë ajror i SHBA-së në Kabul që kur talebanët morën pushtetin në Afganistan gati një vit më parë më 15 gusht 2021, ndërsa personeli diplomatik dhe ushtarak nga vendet perëndimore u larguan me nxitim dhe në mënyrë kaotike.
Zëdhënësi i talebanëve Zabiullah Mujahid u kufizua vetëm në konfirmimin e kryerjes së një sulmi ajror me UAV dhe e dënoi ashpër atë, duke e quajtur një shkelje të “parimeve ndërkombëtare”.
Arabia Saudite shpreh kënaqësinë
Diplomacia e Arabisë Saudite shprehu kënaqësinë për ekzekutimin e kreut të Al-Kaedës, egjiptianit Ayman al-Zawahri.
“Mbretëria e Arabisë Saudite është e kënaqur me njoftimin e presidentit amerikan Joe Biden (…) për vdekjen e liderit të Al-Kaedës, Ayman al-Zawahri,” tha Ministria e Jashtme saudite në një deklaratë për shtyp të lëshuar.
Mbretëria sunite e përshkruan Ayman al-Zasahri si “një nga liderët terroristë që drejtoi planifikimin dhe ekzekutimin e akteve të tmerrshme terroriste në SHBA, Arabinë Saudite dhe shumë vende të tjera anembanë botës”. /tesheshi.com/
