Kandidati për president Joe Biden tha se po merrte raporte inteligjence sipas sw cilave Rusia vazhdon të ndërhyjë në zgjedhjet presidenciale të SHBA që do të mbahen në nëntor.
Kina po zhvillon gjithashtu aktivitete “të dizajnuara për të humbur besimin në rezultatin” e zgjedhjeve të vitit 2020, u tha Biden mbështetësve të tij ndërsa mblidhte fonde në internet për fushatën e pritshme.
“Ne e dimë paraprakisht, dhe ju garantoj se unë e di tani, sepse unë jam duke marrë përsëri raporte. Rusët janë ende të përfshirë në përpjekjet për të diktuar procesin tonë të zgjedhjeve. Një fakt,” tha Biden.
Nëse Rusia vazhdon të ndërhyjë, ai paralajmëroi se “do të duhet të paguante çmimin e duhur” nëse fiton zgjedhjet kundër Presidentit republikan Donald Trump.
Nuk është e qartë kur Biden filloi të marrë raporte të inteligjencës që janë një dukuri e zakonshme për kandidatët kryesorë të partisë për president. Stafi i tij nuk iu përgjigj menjëherë një kërkese për koment.
Biden tha në një konference shtypi më 30 qershor se atij nuk i ishte ofruar një raport sekret dhe se ai “do të kishte të drejtë” ta kërkonte atë pasi Trump dështoi të përgjigjet në raportet e inteligjencës që Rusia po paguante për sulmet ndaj trupave amerikane në Afganistan.
Ish-Zv/Presidenti në administratën e Barack Obama, Boden ka kritikuar Trump për mosleximin e njoftimeve të tij të inteligjencës.
Disa agjenci të inteligjencës amerikane kanë hasur në informacione që Rusia e ndihmoi Trump në zgjedhjet presidenciale të vitit 2016, por kjo është një akuzë që Rusia hedh poshtë, ndërsa Trump përsërit se është një “trillim”. /tesheshi.com/
