Administrata Joe Biden ka publikuar një sërë dokumentesh sekrete dhe disa historianë – si dhe teoricienët e konspiracionit – besojnë se kjo mund të hedhë dritë të re mbi vrasjen e vitit 1963 të John F. Kennedy, presidentit të SHBA-së.
Megjithatë, fakti që janë publikuar më shumë se 1500 dokumente nuk do të thotë se janë publikuar të gjitha. Shumë dokumente mbeten të paarritshme dhe/ose pjesërisht të censuruara, kështu që debati i përhershëm mes autoriteteve federale dhe njerëzve që hetojnë vrasjen e Kenedit do të vazhdojë, shkruan CNN.
Studiuesit shumëvjeçarë të kësaj ngjarje historike thonë se dokumentet e publikuara me shumë gjasa nuk përfshijnë dokumente që mund të ofrojnë disa prova të reja kyçe dhe të ndryshojnë atë që publiku di për këtë ngjarje dhe rrethanat para dhe pas atentatit.
Në tetor, Biden shtyu publikimin e dokumenteve për të mbrojtur gjërat me rëndësi për Shtetet e Bashkuara, shpjegoi ai. Më pas ai caktoi dy afate për botim. Njëra është sot, ndërsa tjetra më 15 dhjetor të vitit të ardhshëm. Më pas do të publikohen dokumentet e reja. /tesheshi.com/
