Kandidati demokrat për zgjedhjet presidenciale të SHBA, Joe Biden tha dje se ai po ndiqte udhëzimet e mjekëve dhe se nuk do të organizonte tubime parazgjedhore për shkak të pandemisë, për dallim nga kundërshtari i tij, Presidenti Trump.
“Kjo është fushata më e çuditshme në historinë moderne, më duket mua,” theksoi ai para gazetarëve në Wilmington, Delaware.
“Unë do të ndjek udhëzimet e mjekut, jo vetëm për veten time, por edhe për vendin. Kjo do të thotë se nuk do të organizoj tubime,” shtoi rivalin kryesor demokrat në zgjedhjet presidenciale të nëntorit dhe ish-Zv.President në mandatin e Presidentit Barack Obama.
Donald Trump, 74 vjeç, po has në kritika të ashpra për organizimin e një tubimi në Tulsa, Oklahoma, ku mijëra njerëz u mblodhën në jug të vendit më 20 qershor, e ku janë raportuar një numër i madh të infektuarish.
Joe Biden, 77 vjeç, saktësoi që ai nuk ishte testuar për koronavirus sepse nuk ka simptoma dhe nuk dëshiron të zërë vendin e dikujt, por ai do ta bëjë këtë “së shpejti” kur të organizojë takime publike.
Donald Trump dhe ekipi i tij i fushatës rregullisht bëjnë shaka me Joe Biden që nuk e la shtëpinë e tij në Ëilmington pas një ndërprerje të papritur të fushatës në mes të marsit për shkak të shfaqjes së koronavirusit.
Ekipi i Trump vë në dyshim aftësitë e tij mendore dhe pretendon se Biden po fshihet në bodrum, kështu që askush nuk mund ta shohë atë. /tesheshi.com/
