Administrata e re e Presidentit Joe Biden ka njoftuar se do të rinovojë marrëdhëniet me palestinezët, si dhe do të ndihmojë refugjatët palestinezë, gjë kjo e cila përbën një kthesë ndaj qasjes së administratës së Donald Trump sa i përket konfliktit të gjatë midis izraelitëve dhe palestinezëve.
Ambasadori i përkohshëm i SHBA në Kombet e Bashkuara, Richard Mills njoftoi qasjen e re të Bidenit në një takim të Këshillit të Sigurimit të KB dhe tha se administrata e re beson se mbetet mënyra më e mirë për të siguruar të ardhmen e Izraelit si një demokraci dhe një shtet hebre, si dhe aspiratat legjitime të palestinezëve për shtetin e tyre dhe një jetë të sigurt dhe dinjitoze.
Për të arritur këto qëllime, administrata e Biden do të rindërtojë marrëdhëniet me palestinezët, por edhe izraelitët, tha Mills.
Kjo përfshin rindërtimin e marrëdhënieve me udhëheqësit palestinezë dhe popullin palestinez, tha Mills, duke shtuar se Biden ishte i qartë se ai synonte të rinovonte programet e ndihmës amerikane për të mbështetur zhvillimin ekonomik dhe programet e ndihmës humanitare për palestinezët.
Mills tha se Biden do të ndërmarrë hapa për të rifilluar marrëdhëniet diplomatike që ishin ndërprerë nga administrata e mëparshme. /tesheshi.com/
