Irani do të përgjigjet ashpër ndaj çdo gabimi të kryer nga Uashingtoni ose aleatët e tij, tha presidenti iranian Ebrahim Raisi.
“Kombi i madh iranian nuk do të pranojë asnjë pasiguri apo krizë në rajon dhe Uashingtoni dhe aleatët e tij duhet ta dinë se çdo gabim që ata bëjnë do të përballet me një përgjigje të ashpër nga Irani për të cilën ata do të pendohen,” tha Raisi.
Presidenti i SHBA Joe Biden dhe kryeministri izraelit Yair Lapid nënshkruan të enjten Deklaratën e Jeruzalemit, një dokument në të cilin të dy vendet u zotuan të parandalojnë Iranin nga zhvillimi i armëve bërthamore.
“Ne kurrë nuk do të lejojmë që Irani të bëhet një fuqi bërthamore”, tha udhëheqësi amerikan.
“Unë ende besoj se diplomacia është mënyra më e mirë për ta arritur këtë. Ne do të vazhdojmë të punojmë me Izraelin për të kundërshtuar kërcënimet e Iranit në rajon, si programi i tij i raketave balistike që ndihmon terrorizmin dhe transferimin e armëve te terroristët si Hezbollahu dhe filialet e tij”, shtoi ai.
Uashingtoni dhe Izraeli kanë shprehur prej kohësh shqetësimin për programin bërthamor të Iranit, por Teherani pohon se kurrë nuk ka pasur ambicie për të ndërtuar një bombë bërthamore. /tesheshi.com/
