Rezultatet e një ekzaminimi të rregullt mjekësor sistematik që ai kreu javën e kaluar treguan se Biden është “i fortë” dhe “i aftë” për të kryer detyrat e presidentit.
Joe Biden, presidenti më i vjetër amerikan në detyrë, ka konfirmuar se do të kandidojë për një mandat të dytë në zgjedhjet presidenciale të vitit 2024.
Megjithatë, ai shtoi se vendimi për kandidaturën zyrtare mbetet ende i pritur.
“Ka qenë qëllimi im që në fillim të kandidoj, por ka shumë gjëra të tjera që duhet t’i përfundojmë në një afat të shkurtër përpara se të filloj fushatën”, tha 80-vjeçari demokrat në një intervistë për ABC Neës.
Gruaja e tij Jill Biden konfirmoi më herët për agjencinë Associated Press se tani është e nevojshme vetëm të përcaktohet data dhe vendi ku presidenti aktual do të shpallë hyrjen e tij në fushatën zgjedhore.
I pyetur për të komentuar fjalët e saj, Biden tha vetëm shkurt se ai “nuk po nxitonte”.
“Ka gjëra të tjera afatshkurtra që duhet t’i përfundojmë përpara se të fillojmë fushatën,” tha ai.
Presidenti më i vjetër
Megjithatë, ai u përgjigj se mosha e tij nuk ndikon në vendimin për të kandiduar apo jo, por se i kupton këto pyetje.
“Është legjitime që njerëzit të pyesin për shkak të moshës sime. Është plotësisht legjitime”.
“Gjithçka që mund të them është – shikoni se çfarë po bëj”, shtoi presidenti amerikan, ndoshta duke iu referuar asaj që u arrit në dy vitet e para të mandatit të tij.
Nëse zgjidhet, Joe Biden do të përfundojë mandatin e tij të dytë në moshën 86-vjeçare. /tesheshi.com/
