Kandidati kryesor për kandidatin presidencial demokrat, ish-zv/presidenti Joe Biden, i ka bërë thirrje administratës “Trump” që të lehtësojë sanksionet ndaj Iranit në mes të pandemisë Covid-19.
Ai ka thënë se është e nevojshme që të ndihmohet Irani, por dhe vendet e tjera që preken më rëndë nga pandemia koronare.
“Në një kohë krize globale, SHBA duhet të ndihmojë ata që kanë nevojë, përfshirë Iranin”, tha Biden në një deklaratë.
Biden i bëri thirrje Trump-it që të lejojë firmat të importojnë ilaçe dhe pajisje mjekësore në Iran dhe të lejojnë Teheranin qasje në bankat ndërkombëtare dhe kompanitë e transportit.
“Ne mund të kemi shumë mosmarrëveshje me autoritetet iraniane, por do të ishte njerëzore dhe e drejtë të veprohet kështu. Irani, me mirëbesim, mund të lirojë qytetarët e ndaluar amerikanë,” tha Biden. /tesheshi.com/
