Presidenti i SHBA Joe Biden tha të premten se zëri i tij shumë i ngjirur ishte “pasojë e një ftohjeje” që ai ra në kontakt me nipin e tij, duke shtuar se testohej çdo ditë për COVID-19.
Të premten, ai mbajti një fjalim për ekonominë me një zë të ngjirur dhe me disa fragmente kollitjeje, gjë që bëri që një gazetar ta pyeste për shëndetin e tij.
“Jam mirë. Bëj test për COVID çdo ditë. E mora këtë nga një nipçe një vjeç e gjysmë që i pëlqen t’i puthë gjyshin e tij. Është thjesht një e ftohur,” shtoi ai.
Presidenti amerikan e kaloi fundjavën e kaluar me familjen e tij kur në Amerikë u festua Dita e Falenderimeve.
Shëndeti i Joe Biden, duke qenë se ai është presidenti më i vjetër i zgjedhur ndonjëherë në Shtetet e Bashkuara (79 vjeç), tërheq vëmendje të veçantë.
Dy javë më parë ai iu nënshtrua një ekzaminimi sistematik, rezultatet e të cilit u publikuan nga Shtëpia e Bardhë dhe mjeku i tij arriti në përfundimin se ai ishte në gjendje të mirë shëndetësore.
Shtetet e Bashkuara kanë frikë nga një rritje e numrit të rasteve me COVID-19 me ardhjen e dimrit dhe përhapjen e një varianti të ri Omicron. /tesheshi.com/
