Presidenti i SHBA Joseph Biden dhe homologu i tij turk Rexhep Tajip Erdogan nuk arritën të gjejnë një zgjidhje gjatë një takimi më parë këtë javë mbi një mosmarrëveshje të gjatë midis dy aleatëve të NATO-s rreth blerjes nga Turqia të sistemeve të raketave të mbrojtjes ruse.
Këshilltari i Sigurimit Kombëtar të Biden, Jake Sullivan u tha gazetarëve se ekziston një detyrim për të vazhduar dialogun që ekipet e të dy vendeve do të drejtojnë për këtë çështje, raporton Reuters.
Presidenti turk tha më parë se ai i kishte thënë Biden gjatë takimit të tyre të parë se vendi i tij nuk do të ndryshonte qëndrimin e tij ndaj sistemit rus të mbrojtjes raketore S-400, për të cilin Uashingtoni vendosi sanksione ndaj Ankarasë, njoftoi media shtetërore turke të enjten.
Asnjë progres në zgjidhjen e mosmarrëveshjeve
Biden dhe Erdogan shprehën një qëndrim optimist pas një bisede ballë për ballë, të mbajtur të hënën, megjithëse aleatët e NATO-s nuk kanë bërë shumë përparim në zgjidhjen e mosmarrëveshjeve, duke përfshirë S-400, Sirinë dhe çështje të tjera.
Duke iu drejtuar gazetarëve në një fluturim nga Azerbajxhani, Erdogan tha se Turqia mund të marrë më shumë përgjegjësi në Afganistan pas tërheqjes së planifikuar të SHBA dhe NATO më vonë këtë vit. /tesheshi.com/
