Ndërsa ndër librat hyjnorë Kur’ani vijon të jetë një dhe unik, pa absolutisht dorë njerëzore në ndonjë verset, me garanci nga vetë Zoti që do jetë siç e ka zbritur Zoti, te librat e tjerë, ku veçon Bibla, eksperimentet njerëzore vijojnë pandëprerë, duke ja larguar dhe atë pak hyjnore të mbetur.
Së fundi vjen ideja e organizatës britanike për mbrojtjen e kafshëve PETA, e cila ndryshoi një pjesë të Biblës me ndihmën e ChatGPT.
Bëhet fjalë për Librin e Zanafillës në të cilin disa gjëra janë ndryshuar. Është e qartë se kjo i referohet momenteve që lidhen me kafshët.
Kështu, për shembull, në këtë version njerëzor, njerëzit e asaj kohe nuk mbanin lëkurë kafshësh, Abrahami nuk flijoi një dash në malin Moriah, por u miqësua me të, si dhe ai dhe gruaja e tij adoptuan një qen.
“Bibla është përdorur prej kohësh si një mjet për të justifikuar forma të ndryshme shtypjeje, kështu që ne përdorëm teknologji të reja për të bërë të qartë se një Zot i dashur nuk do të mbështeste kurrë shfrytëzimin ose mizorinë e kafshëve,” tha Ingrid Neëkirk, presidente e organizatës, duke marrë kështu kompetenca të gjykojë apo përcaktojë mbi statusin e kafshës.
Në këtë (non)sens vjen historia e Abrahamit dhe Sarës, të cilët adoptojnë një qen, pra sipas këtij version njerëzor.
Çmimi i kësaj “Bible” është rreth 5 euro dhe gjendet në uebfaqen e PETA-s. Tani për tani është në dispozicion vetëm në formë digjitale, shkruajnë disa media. /tesheshi.com/
