Kryeministri izraelit Benjamin Netanyahu dhe gruaja e tij Sara Netanyahu janë zhvendosur në rezidencën luksoze të një miku miliarder, ndërsa zemërimi i publikut ndaj tyre rritet, më saktë ndaj Bibit.
Kjo vilë luksoze në Jerusalem thuhet se është e pajisur me një bunker të thellë për t’u mbrojtur nga një sulm bërthamor.
Thuhet se personeli i sigurisë është tashmë i zënë me sigurimin e këtij kompleksi, i cili është në pronësi të miliarderit amerikan Simon Falic.
Çifti është akuzuar më parë për marrjen e dhuratave luksoze, duke përfshirë shampanjë dhe bizhuteri me vlerë dhjetëra mijëra dollarë, nga miqtë e tyre të pasur donatorë. Netanyahët kanë dy rezidenca private në Jerusalem dhe një në qytetin e pasur bregdetar të Cezaresë.
Kjo lëvizje e tyre ka shkaktuar zemërim në Izrael.
“Ne po rinovojmë, sigurojmë dhe financojmë tre shtëpi për familjen Netanyahu”, ka shkruar gazetari Uri Misgav në një postim duke ndarë fotot e pronës, siç raporton The Telegraph.
Ai pretendon se stafi i Netanyahut po zhvendoset në një vilë luksoze, ku ka një kuzhinier personal dhe se këto përgatitje tregojnë se aty do të zhvillohen edhe takimet e ardhshme me liderët botërorë.
E gjithë kjo po ndodh në një kohë kur popullariteti i Netanyahut ka rënë në mënyrë dramatike që nga fillimi i agresionit ndaj Gaza-s. Gruaja e tij është gjithashtu jashtëzakonisht jopopullore dhe fajësohet për vonesën e qeverisë në reagimin ndaj sulmit të 7 tetorit nga Hamasi.
Një burim sigurie i njohur me situatën tha se Sara Netanyahu ka një “pozicion unik në politikën izraelite, duke funksionuar si këshilltarja më e afërt e kryeministrit”, gjë që e vendos atë në “vijën e zjarrit” për një seri lëvizjesh të diskutueshme politike këtë vit, të cilat sollën protesta të qindra mijëra izraelitëve kundër kryeministrit dhe koalicionit të tij të djathtë.
Reforma e propozuar gjyqësore dhe rritja e zgjerimit të vendbanimeve të paligjshme kanë çuar në trazirat më të rënda civile të vendit në kujtimet e fundit, dhe sulmi i 7 tetorit nga Hamasi e bëri atë ditën më vdekjeprurëse për hebrenjtë që nga Holokausti, gjë që po i ka bërë dhe po bën autorë të një Holokausti ndaj palestinezëve.
Duke folur në kushte anonimiteti, një burim sigurie shpjegoi:
“Ndikimi i saj në vendimet politike tejkalon atë të gruas së çdo kryeministri të mëparshëm në historinë e Izraelit dhe madje edhe globalisht. Gjatë viteve, Netanyahus si familje është përballur me sytë e publikut për stilin e tyre ekstravagant të jetesës,” tha një burim sigurie për Sara Netanyahu dhe jetën e tyre në kushte anonimiteti.
Kujtojmë që ditë më parë u shfaq një foto e të birit të tyre duke u hargalisur në SHBA, gjë që po ashtu ngjalli një zemërim në publikun izraelit dhe mes ushtarëve që po lënë kockat në përballje me Hamasin.
“Përveç kësaj, Netanyahu është akuzuar në disa raste që kanë të bëjnë me akuzat për marrjen e dhuratave dhe ryshfeteve. Përfshirja e Sarës ishte e rëndësishme në këto polemika, por ato paraqiten rregullisht si viktima të gjuetisë së shtrigave,” shtoi burimi.
Rezidenca e mbyllur dhe e sigurisë së lartë do t’i lejojë gruas së kryeministrit izraelit një shkallë më të madhe privatësie, larg vëmendjes dhe zemërimit në rritje të publikut.
“Fluturimi i Netanyahëve drejt rezidencës nxitet nga frika e tyre pasi publiku izraelit bëhet gjithnjë e më i zemëruar”, tha Ben Caspit, autor i “The Netanyahu Years”.
Sara Netanyahu fajësohet gjerësisht në publik për vonesën pesëditore në formimin e një qeverie urgjente të kohës së luftës, me mosmiratimin e saj që ish-ministri i Mbrojtjes Benny Gantz t’i bashkohej koalicionit, duke e konsideruar atë “të dobët”.
“Sara definitivisht nuk është e mirëpritur në asnjë zhvllim”, thekson Caspit.
“Frika nga protestat e mundshme e ka kufizuar aftësinë e saj për t’u shfaqur në publik, edhe gjatë vizitave në bazat ushtarake, ku ushtarët çarmatosen para mbërritjes së saj”, shtoi Caspit. /tesheshi.com/
