Kabineti i ri i qeveritar në Egjipt bëri sot betimin para Abdulfettah es-Sisit. Qeveria që sapo ka nisur punën drejtohet nga Sherif Ismaili, ish-ministri i Naftës dhe i Burimeve Minerare. Nga 36 poste ministrore që kishte qeveria e shkuar, janë shkurtuar tre prej tyre, ndërsa janë bashkuar një numër ministrish.
Ndryshimeve u kanë rezistuar ministritë kyçe, duke përfshirë Ministrinë e Jashtme, Ministrinë e Brendshme, Ministrinë e Drejtësisë dhe Ministrinë e Mbrojtjes.
Qeveria e mëparshme, e drejtuar nga Ibrahim Mehlebi dhe që qëndroi në detyrë për 15 muaj, dha dorëheqjen një javë më parë, më 12 shtator, pas arrestimit të ish-ministrit të Bujqësisë, Salah Helal, për një aferë korruptive. Po atë mbrëmje të dorëheqjes së qeverisë, es-Sisi e ngarkoi Sherif Ismailin të formojë një qeveri të re brenda një jave.
Ndërkohë, ish-kryeministri, Ibrahim Mehlebi, është emëruar ndihmës pranë es-Sisit për projektet strategjike dhe kombëtare. /tesheshi.com/
