Një qeveri e re palestineze ka bërë betimin përpara presidentit Mahmud Abbas, e cila ka si kryeministër negociatorin e paqes, njëherësh një zyrtar i lartë i Fatahut, Mohammad Ishtayeh.
Qeveria do të ketë 24 ministra, ndër të cilët do të jetë Ministri i Jashtëm Riyad al-Maliki, si dhe Ministri i Financave Shukri Bishar, raporton Reuters.
Lëvizja Hamas, e cila menaxhon Rripin e Gazës, e quajti këtë veprim një goditje ndaj përpjekjeve për bashkim.
“Kjo është një qeveri separatiste, pa legjitimitet kombëtar dhe rrit mundësitë e ndarjes së Bregut Perëndimor nga Rripin e Gazës”, tha Hamasi në një deklaratë.
Detyra e parë e Ishtayeh do të jetë që të merret me mungesën e parave nga Autoriteti Kombëtar Palestinez, i cili ka kufizuar vetëqeverisjen nën një marrëveshje të përkohshme paqësore me Izraelin.
Kryeministri që po largohet, Rami Hamdallah ishte në krye të qeverisë së unitetit, i formuar pesë vjet më parë me qëllim të pajtimit me Hamasin. /tesheshi.com/
