Ish-zv.presidentja e Tanzanisë Samia Suluhu Hassan u betua si presidente pas vdekjes së presidentit John Magufuli, skeptikja më e zëshme e Afrikës nw raporti me COVID-in, duke e bërë atë gruan e parë që kryeson vendin e Afrikës Lindore.
Hassan, 61 vjeçe, mori detyrën pasi u njoftua të mërkurën se Magufuli kishte vdekur nga një sulm në zemër pasi nuk ishte në skenën publike për më shumë se dy javë,.
Zhdukja e Magufulit nga publiku më 27 shkurt ngriti dyshime se ai kishte COVID-19, një sëmundje që ai mendonte se mund të shërohej me lutje dhe nuk donte të porosiste vaksinat për vendin e tij me 58 milion banorë.
Zyrtarët kanë mohuar që ndonjë sëmundje ishte arsyeja e mosparaqitjes së tij në publik. Hassan thotë se ai vdiq nga një sulm në zemër, ndërsa opozita pretendon se ai vdiq nga koronavirusi.
Hassan përshkruhet si një person që i pëlqen të ndërtojë marrëveshje dhe kompromise dhe stili i saj është e kundërta e populizmit të Magufulit, i quhej dhe “Buldozer”, për shkak të intolerancës ndaj një mendimi tjetër.
Pseudonimi i saj “Mama Samia” është provë se popullata e vlerëson atë. /tesheshi.com/
