Pas përgjedhjes me anë të shortit me gogla, tetë gjyqtarët e Kolegjit Zgjedhor të Gjykatës së Apelit janë betuar para kushtetutës në një ceremoni publike. Të pranishëm ishin presidenti Bujar Nishani dhe Këshillit të Lartë të Drejtësisë.
“Betohem solemnisht se do të respektoj, do të mbroj dhe do t’i bindem Kushtetutës dhe ligjeve të Republikës së Shqipërisë, se do të respektoj të drejtat dhe liritë e qytetarëve dhe do të përmbush detyrat e mia. Betohem se do të kryej detyrën time me të gjitha mundësitë e mia dhe në mënyrë të paanshme, të drejtë dhe pa favorizuar ndonjë person ose parti”, u betuan para Këshillit të Lartë të Drejtësisë, 8 anëtarët e përzgjedhur me short.
Gjyqtarët e zgjedhur janë Artur Malajn, Tomor Shkrelin, Ridvan Hadon, Shkëlqim Mustafën, Lindita Sinanajn, Gjin Gjonin, Astrit Kalanë dhe Sotiraq Lubonja. Ata kanë të drejtën e shqyrtimit të pretendimeve nga partitë politike dhe kandidatët në lidhje me proçesin zgjedhor.
Gjyqtarët i shpëtojnë Vettingut, pasi për 4 vitet e ardhshme kanë imunitet ndaj këtij ligji./tesheshi.com/
