Kreu i Policisë së Shtetit Ardi Veliu, u kërkoi vartësve të tij që të lenë zyrat e dalin në terren, në luftë kundër kanabisit.
“Periudha që ka mbetur është periudhë që e gjithë Policia të jetë në terren e jo në zyra. Të nxirrni përgjegjësitë dhe atje ku janë konstatuar raste të kultivimit të ndëshkohen personat përgjegjës, qoftë nga radhët e Policisë, pushteti vendor, kryepleqtë e fshatrave, inspektorët e pyjeve e të cilitdo institucion që ngarkon ligji me përgjegjësi”, tha kryepolici shqiptar në një analizë ku morën pjesë drejtorët e drejtorive vendore Elbasan, Tiranë, Durrës e Korçë dhe shefat e komisariateve.
Siç raporton TCH, ai porositi që me dronët dhe helikopterin e policisë çdo ditë duhen ushtruar kontrolle e rikontrolle territori.
Grupet e kontrollit nga toka të kontrollojnë imtësisht territorin, banesat e braktisura, tunelet, serat e çdo vend tjeter.
“Policia Kriminale të intensifikojë veprimet në drejtim të marrjes së informacioneve për personat me tendencë kriminale”, theksoi Veliu. /tesheshi.com/
