Kina ka miratuar për herë të parë një ligj që lejon rojet bregdetare të hapin zjarr ndaj anijeve të huaja, një veprim që mund të rrisë më tej tensionet në Detin e Kinës Jugore dhe ujërat përreth.
Kina është në mosmarrëveshje me Japoninë për sovranitetin detar në Detin e Kinës Lindore dhe me disa vende të tjera të Azisë Juglindore mbi Detin e Kinës Jugore.
Kina shpesh dërgon rojet e saj bregdetare për të përzënë anije nga vendet e tjera, dhe nganjëherë këto veprime kanë rezultuar në fundosjen e tyre.
Media shtetërore raportoi se ligji u miratua në Komitetin e Kongresit Popullor.
Sipas një drafti të miratuar më parë, ligji i ri i Rojës Bregdetare i lejon këto forca të “përdorin të gjitha mjetet e nevojshme” për të ndaluar ose parandaluar kërcënimet nga anijet e huaja.
Gjithashtu, drafti lejon anëtarët e Rojës Bregdetare të prishin strukturat dhe objektet e vendeve të tjera të ndërtuara në shkëmbinjtë nën të cilët pretendon Kina, dhe u jep atyre të drejtën të hipin dhe të inspektojnë anijet e huaja në ujërat që Kina pretendon se janë të vetat.
Kjo mund të komplikojë më tej marrëdhëniet midis Kinës dhe SHBA-së, të cilat mbajnë partneritet me disa vende aziatike dhe të Paqësorit, duke përfshirë Japoninë, Filipinet, Vietnamin dhe Indonezinë, të cilat kanë mosmarrëveshje me Kinën mbi të drejtat detare. /tesheshi.com/
